Kjúklingaréttur

Eftir langt og strangt blogg"bann" þá er mig farið að langa til að blogga aftur. Er búinn að lofa sjálfum mér að vera duglegum og ætla að reyna að standa við það. Fólk má samt ekki halda að við höfum ekkert borðað í hálft annað ár. því fer fjarri.  Allavega þá vorum við með þennan dýrindis kjúklingarétt í gær.

Innihald.

3 kjúklingabringur. skornar í litla bita.

1 meðastór paprika. skorin í strimla.

1 Kúrbítur skorinn í strimla.

1 Brokkolí haus. Brokkolíið skorið í þægilega stærð.

1/2 laukur skorin niður.

1 hvítlauksrif skorið smátt.

ca 10 meðalstórir sveppir.

1 gulrót skorin í strimla.

Teriyaki sósa

salt, pipar og Chilliduft(átti ekki ferskt chilli) 

Ég byrjaði á því að sjóða brokkolíið í ca 3 mín og lét það standa í smá stund í pottinum eftir að slökkt var undir.

Fyrst er kjúklingurinn steiktur á pönnu þar til hann er næstum tilbúin, saltaður, pipraður og örlítið að chilli dreift yfir, magn fer eftir smekk á styrkleika. Í lokin er svo ca. 1-2 matkeiðum af teriyaki sósu hellt yfir og leyft að sjóða örlítið niður. Kjuklinigurinn er settur til hliðar og grænmetið steikt í framhaldi á sömu pönnu. Í þetta skiptið vildi ég ekki steikja það of mikið þar sem ég vilda hafa það líka smá stökkt. þetta er allt saltað, piprað, "chilliað" og svo helli ég smá Teriyaki, eða jafnvel soya yfir. svo í lokin set ég brokkolíið og kjuklinginn útí og leyfi kjúklingnum að klárast, núna setii ég örlitla rönd af sweet chilli sacue yfir, en það er frjálst val eins og allt annað, ásamt þessu þá set ég fet ost yfir og þegar hann er að mestu bráðin þá er hægt að bera þetta fram. Þar sem elsta dóttirin var svo svöng þá fékk hún að borða meðlætið sem ég hafði hugsað með þannig að þetta var borið fram með hrísgrjónum., sem er alls ekki slæmt.  

 

 

Heitur réttur

Hver kannast ekki við það þegar það er ekkert til í ísskápnum. 

Það kom svoleiðis dagur um daginn.

þá fer maður í TTK fílinginn. Tekið til í kælinum nánar tiltekið.

Ég átti hrísgrjón frá því deginum áður.

Smá skinka var til

Örfáir sveppir

Laukur

rjómaost á ég yfirleitt í ísskápnum

svo átti ég líka rjómaslettu sem var ekki útrunninn. Þökk senýju umbúðunum.

 Með þetta hráefni var um að gera að búa til heitan rétt. Sem er einmitt svo vinsæll um þessar mundir í fermingarveislunum.

 ég skar niður allt hráefnið og steikti það á pönnu, kryddaði vel með salt og pipar ásamt örlitlu af cayenne pipar, eða hverju því kryddi sem fólki dettur í hug,  Brauð reif ég niður og setti í botninn á eldföstu móti.  

Hrísgrjónin setti ég svo í pott ásamt rjóma og  rjómosti. Leyfði hitanum að koma vel upp, hrærði vel í til að dreifa köldum hrígrjónunum, setti einn grænmetiskraft ásamt mildu Karrí. Blöndunni bætti ég svo útá pönnuna með restinni af hráefninu, hrærði vel saman og passaði að sósan væri mjög þunn. Það er gert til þess að hún væti vel uppí brauðinu. Sumir nota Aspassafa til að væta í brauðinu en það var ekkert slíkt til að þessu sinni á heimilinu.

Ég setti svo ost yfir allt saman og setti inní ofn í ca 25-30 mín við 180°eða þar til osturinn var gullinbrúnn og fallegur.

 Þetta klikkar ekki og mér finnst þetta alltaf jafngott. 

 

Partíbollur

Einhvern tímann heyrði ég að þetta hefði verið kallað "partíbollur". ég hef haldið mið við það nafn síðan og mun gera það í framtíðinni. 

En að eldamennskunni sjálfri.

Þetta er í sjálfum sér ekki ýkja flókin matargerð, en vissulega er það þannig að ef maður kann ekki eitthvað getur það virst flókið í fyrstu.

Í þetta notaði ég:

einn pakki Nautahakk, um 500 gr.

1/2 Rauðlaukur.

1 Egg

2 Msk Haframjöl

ca. 1/4 pakki ritzkex.

Taco mix krydd frá Santa Maria.

um 1/2 Msk hveiti.  

Innihaldið má í sjálfum sér vera hvað sem er, sama gildir um kryddið, bara það sem hentar hverju sinni.

Þessu var öllu blandað vel saman í skál, passa að kexið myljist vel niður.  Svo bjó ég til nettar kúlur úr þessu öllu saman. smá hveiti notað til að búa til kúlurnar. 

Kúlurnar voru svo steiktar vel á pönnu á öllum hliðum(ef það eru hliðar á kúlum) :-). svo er þetta sett í eldfast mót og látið klárast í ofni við um 180° í ca 10 mín.

Meðlætið var einfalt. Hrisgrjón. Ég sýð hrísgrjón þannig að ég nota 1:2 aðferðina. Í þessu tilfelli notaði ég einn bolla hrísgrjón og tvo bolla vatn. Þegar suðan er kominn upp, þá er slökkt undir viðkomandi hellu og grjónin klárast þar á. líka má taka grjónin af hitanum í smá stund og setja þau aftur á helluna(með slökkt vitanlega).  

ég gerði tilraun með sósu sem ég var ekki ánægður með þannig að ég læt það eiga sig að etja hann hér inn. Hefðbundin "chilli" sósa hentar vel með þessu.

 

Njótið! 

 

 

 

 

 

 

 

 

 

 

 

 

Lax, sætar kartöflur, spínat og kúrbítur.

það er ekki orðið frásögurfærandi þegar það er slegið upp veislu hér í laufenginu en það var gert á mánudaginn og í þetta sinn fór í undir yfirborð hinna íslensku laxveiðiáa og náði í hráefni þaðan. 

Jú Lax var það heillin sem fékk þann heiður að vera eldaður hér í laufenginu. Reyndar til að segja sannleikann þá voru þetta laxabtar keyptir í bónus en voru kannski ekkert síðri fyrir vikið. Ég smakkaði lax í fyrsta skipti á food and fun þegar við fórum á grillmarkaðinn. 

Hráefni

Laxabitar með roði.

Engifer u.þ.b 1 Cm

Chilli u.þ.b. 1/4 fræhreinsaður.

Sítrónusafi úr hálfri sítrónu

sítrónubörkur af hálfri sítrónu. 

Ein sæt kartafla

Einn poki af spínati

Einn kúrbítur. 

og c.a 5 msk af sojasósu.

Engierferið og sítrónubörkurinn eru rifinn með rifjárni og sett í skál. Chilli er skorið smátt og bætt útí skálina. sítrónusafinn og sojasósunni skellt útí og þessu blandað vel saman. 

Ég setti laxabitana á ofnskúffu og setti marenerinunga yfir. Passaði mig þó að hafa ekki of mikið, eins og ég sagði áður þá var að smakka lax í annað skiptið og elda hann í fyrsta skiptið. Ég gerði mér ekki alveg grein fyrir hversu mikið af mareneringu ég þyrfti og ákvað að hafa minn heldur en meira.  

Laxinn var svo steiktur uppúr smá olíu, saltaður og pipraður.  Hann fékk svo að vera á pönnuni í ca. 3 mín með roðhliðina niður. Svo færði ég hann yfir á ofnskúffu og kláraði í ofni í ca 7-8 mín við 180°C á blæstri. Það reyndist svo vera fín eldun á laxinum, allavega eldasðit hann ekki of mikið. 

Sætu kartöflurnar skar ég í teninga. Setti Spínatið í eldfast mót og kartöflurnar þar yfir. Ólífuolíu var dreift yfir ásamt salti og pipar. Þetta var eldað í ca. 25 mín við 180°C með blæstri.

Eitt besta meðlæti sem ég fæ er steiktur kúrbítur. Hann er skorinn í sneiðar, steiktur í olíu og saltaður og pipraður. Hreinn unaður að borða.

Þessu öllu var svo raðað "fagmannlega" uppá disk og allir nutu til hins ýtrasta, undirritaður var þá ekki yfir sig hrifinn og þarf meiri reynslu í laxinum. :-)

 

 

 

Blaut frönsk súkkulaðikaka.

Ef maður hugsar um eitthvað franskt og blautt þá er bara eitt sem kemur uppí hugann, súkkulaðikaka. Þessi sem hér um ræðir er guðdómleg. Það er bara þannig.

Þessa hefur konan eldað nokkrum sinnum, þegar ég kom að henni þá voru um 15 mínútur eftir af eldunartímanum og ég þurfti að sjá um rest, það tókst svona líka svakalega vel og útkoman var eins og áður sagði, guðdómleg.

Kakan.

300 gr suðusúkkulaði

200 gr smjör

4 egg

2 dl flórsykur

1 1/2 dl hveiti

1/2 tsk lyftiduft

örlítið af salti.

 

Aðferð.

Bræðið saman súkkulaði og smjör við lágan hita.  Þeytið saman egg og flórsykur þar til blandan verður ljós og létt, hrærið súkkulaðiblöndunni varlega saman við og þar næst þurrefnunum. Við bökum í sílicon formi. Bakið í 30 mín við 180°C við yfir og undirhita án blásturs. Leyfið svo að kólna aðeins og setjið svo á disk.

Kremið

200 gr suðusúkkulaði

70 gr smjör

2 msk sýróp 

Bræðið saman við lágan hita, hellið yfir kökuna og dreifið jafnt og fallega. Þegar kremið hefur kólnað er flórsykri stráð yfir í gegnum sigti, gott er að slá létt á hliðarnar á sigtinu meðan á dreifingunni stendur. Eins og áður sagði þá er þetta guðdómlegt. :-)

 

Pizza

Pizza er það besta sem nokkur maður getur látið inn fyrir sínar varir. Kannski svolítið sterkt tekið til orða en mér finnst pizza góð og einnig gaman að búa hana til. Við ákvaðum að brjóta aldagamla hefð og höfðum pizzu á fimmtudaginn sl. í stað föstudags þar sem við vorum í afmæli hjá Þóru frænku systir pabba heitins. 

Mér finnst að það eigi að vera ríkisregla í siðmenntuðum samfélögum að skylda allt pizzugerðarfólk að hafa extra sterkt pepperóní frá Kjarnafæði á sínum pizzum :).

Ég set pizzurnar á grindur sem við keyptum í IKEA um árið og erum mjög ánægð með. Einnig viljum við hafa pizzurnar okkar þunnbotna.

Botninn 2x12" botnar.  

300 gr hveiti.

2 tsk lyftiduft.

2 msk olía

salt og sykur.

170 ml volgt vatn.

Þurefnunum er blandað vel saman í skál. Gerið holu í miðjuna, bætið olíunni og vatninu út í skálina. Blandið saman í hrærivél i svona 4-5 mín eða þar til öllu hefur verið blandað vel saman og orðið vel hnoðað deig.

Sósan.

2 tómatar.

2 hvítlauksrif

1/2 rauðlaukur

1/2-1 dós tómatpuré

1-2 grænmetisteningar.

Pizzakrydd 

ca. 1/2 líter vatn 

salt, pipar og sykur.  

 

Saxið laukinn og hvítlaukinn frekar fínt. Skerið tómatana einnig frekar fínt niður. Mýkið laukinn og hvítlaukinn á pönnu. Bætið tómötunum útá og steikið í smástund. Saltið og piprið. Bætið vatninu, tómatpuré og grænmetiskraftinum við(1 tening til að byrja með). Látið suðuna koma upp og lækkið svo hitann til að leyfa þessu rétt að malla. Kryddið með pizzakryddinu og bætið svo sykri við eftir því sem ykkur þurfa þykir. Þegar sósan er tilbúin þá leyfi ég henni að kólna, set hana svo í handhægt ílát og mauka hana svo með töfrasprota. Betri pizzasósu er vart hægt að fá. :-)

Fyrir krakkana geri ég yfirleitt eina pizzu, eingöngu með sósu og osti en bæti áleggi á fyrir okkur fullorðna fólkið. Vissulega eru til svo margar útgáfur af pizzu og ákvað ég að prófa nýtt fyrir mig, konan var ekki ýkja hrifin og skipt ég því pizzunni í tvennt  

Áleggið.

Fyrir konuna.

Skinka

sveppir

laukur

Ananas.

Fyrir mig.

Peppróní(extra sterkt frá Kjarnafæði)

Chilli pipar

Banani

Ananas.

Aðferð.

Fletjið botninn út þannig að hann passi á grindina. Setjið sósuna á botninn og dreifið eftir kúnstarinnar reglum, setjið rifinn ost á botninn. Setjið því næst Pepperóní, chilli piparinn og banana á pizzuna ásamt smá ananas. Dreifð örlitlum meiri osti yfir. 

Bakið í forhituðum ofni við ca 200° í ca 10 mín eða þar til pizzan lítur út fyrir að vera tilbúin.

Þetta fannst mér vera frábær blanda af kryddbragði frá pepperóníinu, væmnu sykurbragði frá bönununum og sterku bragði frá chilli og ég mæli hiklaust með þessari blöndu á pizzu! 

Verði ykkur að góðu.

 

 

 

Kjúklingasalat

Ég sagði við mína heittelskuðu að í kvöld skyldi hún fá eitt svakalegasta "afgangasalat" í kvöldmatinn. Ég veit nú ekki hvort það var raunin en allavega þá vorum við með kjúkling í gær, það var smá afgangur og tilvalið að skella í eitt salat í matinn í kvöld. 

Í þetta salat notaði ég.

Afgang af heilum kjúklingi.

1 lítið Mangó.

tæplega 1/2 Rauðlauk.

1 Gulrót.

1/2 poka Kóngasalat.

1 Tómat.

1 poka af Kasjúhentum.

Feta ost og Balsamic edik. 

Ég reif kjúklinginn í hæfilega bita. Gulrótin var rifinn niður í rifjárni. Tómatarnir, laukurinn og mangóið skorið í hæfilega bita. Kóngasalatið skolað og sett í skál, Tómötum, lauk og mangóinu skellt útí. Hneturnar þurrristaði ég á pönnu. Þegar þær voru tilbúnar skellti ég þeim útí ásamt kjúklingnum. 

Þessu var öllu blandað vel saman og sett í skál. Fetaostur og smá olí sett útá, ég setti hjá mér örlítið balsamic edik. Í lokin setti ég örlítið af svörtum pipar, fyrir kickið.

Mikið var þetta nú gott.

 

Purusteik

Sumir vilja segja pörusteik, best er þó að halda sig við flæskesteg. Verður nefnd Purusteik hér eftir hjá undirrituðum.

Ég man ekki til þess að ég hafi fengið mikið af þessu í gamla daga, Ef að minnið svíkur mig ekki þá held ég að ég hafi ekki smakkað þetta fyrr en ég fór til Danmerkur um árið. Það þarf þó ekki að vera að það sé rétt hjá mér og býst ég við leiðréttingu frá móðir minni ef minnið hefur svikið mig.

 

 

 

 

 

 

 

 

Allavega þá vorum við með Purusteik í gær ásamt eplapæinu sem ég minntist í síðasta bloggi.  

http://gunnarbjarnason.blog.is/blog/gunnarbjarnason/entry/1280922/

Það er ekkert öðruvísi með Purusteik heldur en aðrar steikur að það er engin ein aðferð við að elda hana. Aðalatriðið er að fá stökka puru. Og vissulega rétt eldað kjöt.

Ég keypti svínabóg í bónus í gær 2,2 kíló sem dugði heldur betur fyrir okkur á heimilinu. Þegar heim var komið skar ég með dúkahníf rákir í puruna alveg niður í kjöt.

Ofninn var forhitaður í 180°C. á meðan sauð ég í hraðsuðukatli um 1,5 líter af vatni, hellti því svo í eldfast mót, bætti við tveimur tengingum af svínakrafti. Svínabógurinn var svo settur með puruna niður. Þannig var þetta eldað í um 20 mín útur.

Ég tók steikina út og setti á grind, undir grindina setti ég ofnskúffu og hellti vökvanum úr eldfasta mótinu í ofnskúffuna. Ég bætti við um líter af vatni í skúffuna og setti negulnagla, kanil, Smá appelsínubörk,  salt og pipar. Þetta var síðar notað sem soð í sósuna.

Nú er komið að aðaltrikkinu við purusteik. En það er að setja mikið af salti á puruna og nudda saltinu vel í sárið og á puruna sjálfa. við þetta bætti ég pipar. Negulnöglum var svo komið fyrir hér og þar ofaní sárinu og appelsínubörk sáldrað yfir.

Inní ofninn fór þetta aftur og var haft í ofninum þar til kjarhitinn var um 68°C. það tók um 1 klst og 40 mín. Þegar tíminn var liðinn þá fannst mér puran ekki nógu stökk. ég tók steikin út. hækkaði ofninn í 230 °C. ÞEgar hann var búinn að ná réttum hita fór steikin aftur inn í svolitla stund. passa samt að brenna ekki puruna. 

 

 

 

 

 

 

 

 

í meðlæti var ég með sætar kartöflur sem ég skar í tenginga, setti á ofnskúffu. Hellti smá olíu yfir, saltaði og pipraði og hrærði öllu vel saman.

Þetta var sett neðst í ofninn í um 30-40 mín og hrært annars lagið svo þetta myndi ekki brenna.

í sósuna notaði ég um 150 gr af sveppum sem ég skar í sneiðar. Þeir voru steiktir vel í potti, bætt við um 1/2 líter af vatni, bætti við vökvanum af því sem kom úr ofnskúffunni,  bætti við svínakrafti. Þetta var þykkt með Maizena(nennti ekki að gera smjörbollu). Bætt við um 100 Ml af rjóma, sultu og smakkað til með salt og pipar. 

Salatið var í einfaldari kantinum. Íslenskt kóngasalat.

Njótið vel.  

 

 

Eplapæ.

Eins og ég hef sagt áður þá er hún Helena mín yfirmaður bökunardeildar. Þar, sem og á öðrum sviðum, stendur hún sig eins og hetja.

Í eftirrétt í kvöld snaraði hún fram þessu dýrindis(og bráðholla ) Eplapæi. 

 Innihald.

4 rauð eða græn epli.

Kanilsykur.

40-50 gr uðusúkkulaði.

120 gr smjör.

120 gr hveiti.

120 gr sykur.

60 haframjöl. 

Eplin eru skorin í skífur og raðað í form. Kanilsykrinum er stráð yfir. Súkkulaðið er brytjað frekar smátt niður og stráð yfir epli með kanilsykrinum. Smjörinu, sykrinum, hveitinu og haframjölinu er hnoðað saman í hrærivél. Þeirri blöndu er svo raðað yfir eplin, kanilsykurinn og súkkulaðið. Þetta er bakað við 160-180°C án blásturs i 40-45 mínútur. Byrjað er á að hafa þetta í 160 i ca. 30 mín og svo hækkað í 180°C síðastu 15 mín. 

Þetta er svo borið fram volgt með þeyttum rjóma eða ís.

Verði ykkur að góðu.

 

Nautalund með Bernaise, sveppum og bakaðri Kartöflu.

Nautalund með bernaise er það besta sem nokkur maður getur ofaní sig látið. Á því leikur ekki nokkur vafi.

Um áramótin ákváðum við að hafa nautalund, bernaise, sveppi og bakaða kartöflu.

Nautalundin um 500 gr var keypt hjá kjöthöllinni. Þar hef ég oftast keypt kjöt og leiðist það ekki enda þjónustan og gæðin til fyrirmyndar.

 Nautalundin var tekin úr kæli um hádegi á gamlársdag til að hún næði nú örugglega stofuhita fyrir eldun um kvöldið.

Það sem þarf í þessa máltíð.

 500 gr nautalund.

3-4 bakaðar kartöflur.

Sýrður rjómi. Við svindluðum aðeins núna og notuðum tilbúinn sýrðan með graslauk.

250 gr flúðasveppir.

5 eggjarauður

300 gr smjör.

1/2-1 tsk dijon sinnep. Annars eftir smekk

Estragon. ég notaði þurrkað núna en vissulega má líka vera með ferskt, magn eftir smekk.

Þurrkuð steinselja 

1/2-1 nautakraftur sumir nota fljótandi.

Bernaise essence.

Salt og pipar.

jafnvel örlítill sítrónusafi.  

Byrjum á steikinni:

Steikið á grillpönnu, má nota venjulega pönnu, við mjög háan hita á öllum hliðum. snúið til að fá fallegri grillrendur. Þegar búið er að loka steikinni setjið í ofn. Það eru til svo ofsalega margar útfærslur á því hvernig eigi að steikja nautalund í ofni að það er best að finna það hjá sjálfum sér hvernig viðkomandi vill útfæra sína aðferð. Ég er með hana í svona 6-8 mín við 180°C. eða þar til kjarnhitinn er ca. 55°C þá er hún rear/ medium rear. En fyrir mér má alls ekki steikja þetta of mikið. 

steikin er svo látin hvíla í ca. 10 mínútur. Það er mjög mikilvægt.

Kartöflurnar þurfa að vera í ofni í ca. 60 mín við 180°C.

Sveppirnir eru smjörsteiktir á pönnu, saltaðir, pipraðir og ég set yfirleitt smá cayenne pipar og paprikukrydd.

Þá er komið að sósunni góðu.

ég fann uppsrkift á netinu. Ég finn því miður ekki hlekkinn. þannig að þið verðið að láta ykkur þetta duga.

Smjörið er látið bráðna í potti, ekki sjóða heldur einungis bráðna. Kjötkrafturinn er bræddur með og svo er dassi af þurrkaðri steinselju bætt útí. 

Skiljið 5 eggjarauður frá hvítunum. Þeytið eggjarauðurnar mjög vel þar til blandan er orðin ljós og loftkennd. Mig minnir að það taki um 5-7 mínútúr í okkar hrærivél.

Hellið bráðnu smjörinu varlega útí skálina og hrærið stanslaust á meðan. Þegar nánast öll blandan er kominn úr pottinum situr hvítt mjólkurefni eftir, ég hef skilið það eftir í pottinum. Það er hér sem "hætta" er á að menn klúðri hreinlega sósunni. Munið það að smjörið má alls ekki vera of heitt, þá er hætta á því að þegar smjörinu er hellt útí eggjarauðurnar að þær byrji að bakast og úr verði ógirnileg eggja/smjörhræra. Einhvers staðar las ég að smjörið megi ekki vera heitara en það að hægt sé að stinga puttanum í það.

Dijon sinnepinu er bætt útí ásamt estragoninu og smakkað til með essence-inum. Svo er að bæta við smá sítrónusafa ef það vantar meiri sýru, meiri essence ef það vantar meira bernaise bragð. Saltað og piprað og sósan er tilbúin. 

Öllu er svo raðað fallega á disk.